Umak
Umak, Umak, Umak!
U pio-pio umak ngon balik dinding na mamantulkon gema
Umak,
Olongmu kombang na marbungo i ngoluku,
Ruh i tondiku,
Kompas ni dalanku.
Umak,
Ilumu jadi mutiara,
Parmikimmu surgo dunia.
Mago mu jadi duka
Agoan ngadong boa-boa
Ompot masursur.. tano hadegeanku.
Boti sosak parosaanku.
Banjir na doras i indoraku.
Umak,
Palangadong ko tonggong langkaku
Songon onggang nahapuloan au,
Alee….. inang
Tarimokasih, tarimokasih, tarimokasih umak.
Utangku tu umak nga bisa u bayar
Umak,
U patogar ate-ateku ngon mangingot cintamu na pagodang-godang au,
Mulai ngon mangapus mon-monku, manyulangi au, pabege-bege tangisku na bangilanon
Sampe do sannari inda lupa au pengorbananmu na marudan marlas ni ari manjalaki hangoluan i tano hatubuanon
So lahir semangat, jadi sehat, kuat, taat, marguna tu alak na bahat
Dot marjuta prestasi mengirimkon doa manyebut goarmu
Umak, umak, umak!
Mangido moof au,
Ho maia sada-sadana
Na paling bisuk i alam raya .
Panyabungan, 26 Oktober 2020
